Дэкрэт «аб дармаедах» перавыдадуць з «новымі назвай і сэнсам»


Намеснік міністра працы і сацабароны Валерый Кавалькоў распавёў пра далейшы лёс скандальнага дэкрэту.

Паводле яго, цяпер рыхтуецца дакумент у абсалютна новай рэдакцыі, у якой зменіцца не толькі сэнс дэкрэту, але нават ягоная назва.

Падчас онлайн-канферэнцыі на сайце Белтэлерадыёкампаніі на тэму лібералізацыі бізнесу чыноўнік заявіў:

«Плануецца, што дэкрэт будзе называцца «Па садзеянні занятасці» і будзе накіраваны на тое, каб органы ўлады аказалі максімальна магчымае садзеяння жадаючым працаваць, каб чалавек мог працаваць альбо быў уладкаваны на нейкае працоўнае месца».

«Асабісты капітал» пра абноўлены дэкрэт №3

Таксама Валерый Кавалькоў патлумачыў, каго будуць адносіць да занятых і не занятых у эканоміцы (такія паняцці ўжываюцца ў новым дэкрэце):

«Будзе залежаць ад таго, ці зʼяўляецца асоба рамеснікам альбо не. Калі чалавек зарэгістраваны ў падатковай, заплаціў збор, то ён зʼяўляецца занятым у эканоміцы, ніхто кантраляваць не будзе, фактычна заняты ён у гэтай дзейнасці ці не. І рэгістрацыя ў ФСАН ужо не абавязковая. Ён вырашыў займацца нейкім відам дзейнасці, быць самазанятым, ён выплачвае стаўку адзінага падатку, значыць, ён заняты ў эканоміцы».

Глядзіце таксама:

НМ, belsat.eu

Глядзі таксама
Каментары