Прэмʼер-міністр Вялікай Брытаніі сыходзіць у адстаўку ў сувязі з вынікамі рэферэндуму.
Пра гэта ён заявіў сёння раніцай. Заява была зробленая на Даўнінг-стрыт пасля таго, як былі абвешчаныя канчатковыя вынікі галасавання.
Глядзіце таксама: Ці абрынецца еўра праз “брэкзіт”?
Палітык пакіне пасаду ў кастрычніку.
Кэмэран адзначыў, што паспрабуе «стабілізаваць судна» у бліжэйшыя тыдні і месяцы, але патрэбнае «свежае лідарства».
Дэйвід Кэмэран патлумачыў, што ягонае рашэнне звязанае з тым, што падчас кампаніі, што папярэднічала рэферэндуму, ён падтрымліваў прапанову застацца ў складзе Еўрапейскага звязу.
НМ, belsat.eu
