#дапоставьтевыужесветофор – ці адрэагуюць чыноўнікі на гэштэг?

photo

Гарадзенец стварыў фоталетапіс няўдалага скрыжавання, дзе ДАІ не хоча ставіць светлафор.

Пастаянныя сутыкненні на скрыжаванні акурат пад вокнамі працоўнага офісу, Аляксей Пятрэнка фіксуе прыкладна з мінулага году. Здымкі праходзяць у ягоным «Інстаграме» ды «Фэйсбуку». З’явіўся нават адмысловы гэштэг: #дапоставьтевыужесветофор. Так малады айцішнік спрабуе прыцягнуць увагу грамадскасці да няўдалай дарожнай развязкі.

Alaksiej Piatrenka (2)

Справа ў тым, што аварыі на вул. Будзёнага каля пад’ёму на Карла Маркса здараюцца ледзь не праз дзень. Толькі пэўную частку з іх Аляксей паспявае здымаць ды выкладаць у сеціва. Так атрымалася, што кіроўцы, якія едуць па Будзёнага ў бок вакзалу, мяркуюць, што едуць наўпрост і не мусяць саступаць. Затое, паток з Маркса паводле знакаў мае прыярытэт… Як вынік – дзесяткі аварыяў.

typovyja fota z instagramu Aliaksieja (1)
Toje samaje skryzavannie (4)
Toje samaje skryzavannie (3)
Toje samaje skryzavannie (2)

Сам айцішнік лічыць, што выйсцем магло б стаць усталяванне светлафору на праблемным месцы.

Можна наўпрост пазбавіцца ад знакаў і паставіць там светлафор, – прапаноўвае Пятрэнка, – Згадзіцеся, нашмат менш верагоднасці, што нехта паедзе на чырвоны. Тут ёсць пара складанасцяў: фінансавы бок ды сінхранізацыя з іншымі светлафорамі. Але гэта ж вырашальна!

typovyja fota z instagramu Aliaksieja (5)
typovyja fota z instagramu Aliaksieja (4)

-Пакуль жа фота з няўдалага скрыжавання набіраюць усё больш лайкаў. У каментарах можна прачытаць прапановы аўтару завесці адмыслова акаўнт у «Тўітэры», зладзіць петыцыю на change.org або нават стварыць фотакалендар з выявамі аварыяў: на манер календара гарадзенскай ДАІ.

АК, belsat.eu

Глядзі таксама
Каментары