«Далікатныя і пажаданыя», вітаем у 9 сакавіка


«Нельга адпачыць ад жаночага жыцця. Яно суправаджае нас заўсёды: ад моманту нараджэння да пахавання. У ліфт з мужчынамі не ўваходзь. Заўсёды будзь напагатове. Хадзі на курсы самаабароны. Будзь гатовая заўсёды да ўсяго найгоршага, пра што табе распавядала бабуля ды мама». Піша псіхалагіня і радыкальная феміністка Крысціна Вязоўская.

Інфармацыя такая:

Кожныя пяць хвілін у выніку гвалту памірае дзяўчынка.

Кожная чацвёртая дзяўчынка ў свеце выходзіць замуж у дзіцячым узросце.

Шэсцьдзесят тры мільёны дзяўчынак прайшлі праз працэдуру абразання (выдаляецца клітар, малыя палавыя губы, месца разрэзу змацоўваецца шыпамі альбо бруднымі ніткамі.

Большасць дзяўчынак пасля гэтага ўсё жыццё будзе пакутаваць ад страшных боляў і ні пра якую якасць палавога жыцця гаворка ісці не можа: забіць дзяўчынку могуць нават першыя месячныя).

Сто трыццаць мільёнаў дзяўчынак не маюць доступу да адукацыі.

«Прыгожая» і «жаноцкая» вопратка не толькі шкодзіць жаночаму целу, але і перашкаджае абараняцца ў выпадку нападу.

Аднойчы знаёмы, мабыць, у нейкім запале, напісаў пры ўсёй сумленнай супольнасці майго ФБ, што жанчын трэба пазбавіць правоў. Дарослы чалавек. Працуе ў ПВТ. Робіць праект для адукацыі дзяцей у Афрыцы. У партнёрах у яго светлы чалавек, які спасцігае асновы светабудовы з дапамогай медытацыяў. Карацей, ідэйны светач (сапраўды, разумны чалавек). Адна незадача: знаёмы мой быў вельмі занепакоены тым, што жанчыны робяць фальшывыя заявы ў міліцыю пра згвалтаванне, каб абакрасці праграмістаў. Правёў ноч — хобана — і ўсё, вітаем у турме. І каб пазбегнуць гэтага, трэба жанчын пазбавіць правоў.

Інфармацыя ж такая:

Толькі 5% напісаных і пададзеных заяваў аб згвалтаванні дойдуць да суду.

Для таго, каб атрымаць пацверджанне факту згвалтавання жанчыне даводзіцца прайсці не толькі медкамісію, але і шматразовыя апытанні-допыты. Ёсць і нюансы: напрыклад, нельга выкідаць трусы. На іх ёсць біялагічны матэрыял. Нельга мыцца. У цябе альбо на табе ёсць біялагічны матэрыял. Трэба сядзець усе гадзіны апытанняў-допытаў у брудным і балючым. Спалоханай. Без падтрымання. З адмовамі падпісваць заявы. З вечным #самавінаватая

Аднойчы ўсё гэта ўбачыўшы, ты будзеш заўсёды сутыкацца з гвалтам над жанчынамі: жанчына паркуецца, на яе гарлапаніць п’яны муж, з тратуара: дура! Бл ***! Яшчэ раз, я сказаў!

Пачнеш гаварыць з сяброўкамі пра секс, задавальненні ад яго, сексуальнасці і прыняцці цела — высветліцца, што добры секс гэта секс, калі не балюча і калі цябе не тузалі за рукаў з пастаянным ныццём «дай».

Возьмеш як-небудзь статыстыку аб здзяйсненні асабліва цяжкіх мужчынамі і жанчынамі …

Інфармацыя ж такая:

Кожны год у Беларусі паступае 150 тысяч званкоў на гарачую лінію дапамогі жанчынам, якія падвяргаюцца гвалту.

Толькі 50 тысяч разгледзяць і, у пэўным сэнсе, пакараныя-агрэсары атрымліваюць штраф.

Нельга адпачыць ад жаночага жыцця. Яно суправаджае нас заўсёды: ад моманту нараджэння да пахавання. У ліфт з мужчынамі не ўваходзь. Заўсёды будзь напагатове. Хадзі на курсы самаабароны. Будзь гатовая заўсёды да ўсяго найгоршага, пра што табе распавядала бабуля ды мама. Чытай «Ціхі дон» і ванітуй проста падчас чытання ад жаху і болю. Першыя гадоў дваццаць-трыццаць разумей, што ты зусім адна, сваіх пакуль яшчэ няма. Усе свае з’явяцца потым, прайшоўшы праз горан жаночай сацыялізацыі, наеўшыся па вушы простай жаночай хітрасці і зразумеўшы, што ўлада слабых не дапаможа ніколі.

Учора адна з жанчын-фрэндэс напісала самае пранізлівае віншаванне: «Нельга стаміцца ​​быць моцнай, як нельга стаміцца ​​быць здаровай альбо сытай».

Віншуем у 9 сакавіка — нашае своезвычайнае моцнае жаночае жыццё, дзе кожны дзень мы змагаемся за права жыць і якое ніколі не спыняецца. Нават восьмага.

Крысціна Вязоўская для belsat.eu

Стужка навінаў