Чатыры дні таму ўладу ў Зімбабвэ захапілі вайскоўцы, прэзідэнт знаходзіцца пад хатнім арыштам.
У суботу ў цэнтры Харарэ, сталіцы краіны, сабраліся некалькі дзясяткаў тысяч чалавек, каб заклікаць Роберта Мугабэ сысці ў адстаўку.
Дэманстрацыя праходзіць з дазволу ваенных, якія некалькі дзён таму ўзялі пад кантроль сітуацыю ў краіне і цяпер вядуць перамовы з Мугабэ з нагоды магчымай адстаўкі.
Атмасфера ў горадзе нагадвае Каляды, цытуе аднаго з дэманстрантаў брытанская газета The Guardian.
«Зімбабвійцы цярпелі вельмі доўга, і цяпер, нарэшце, яны шчаслівыя», – кажа пратэстовец.
Выданне адзначае, што вайскоўцы «пастараюцца вырашыць пытанне сыходу Мугабэ з пасады цягам бліжэйшых 48 гадзінаў».
ДД
