Чаргу за новым выпускам «Charlie Hebdo» французы займалі яшчэ да світанку


Жыхары Францыі размятаюць «выпуск ацалелых» часопіса «Charlie Hebdo», наклад якога замест звыклых 60 тысячаў вырас да 3 мільёнаў.

Напярэдадні тэракту ў рэдакцыі «Charlie Hebdo» часопіс знаходзіўся на мяжы банкруцтва.

«Мы атрымалі 30 асобнікаў, хаця замаўлялі 515 – у нас ужо ёсць рэзервацыі на 200 часопісаў. Але мы не можам іх задаволіць, патрабуем яшчэ больш асобнікаў», – распавядае Ані Буржэанье з газетнага шапіку.

Каб атрымаць каштоўны асобнік, перад некаторымі кіёскамі выстройваліся чэргі за гадзіну да адкрыцця.
Французскія газетныя шапікі ўжо заявілі, што атрыманыя ад продажаў часопіса грошы перададуць у рэдакцыю «Charlie Hebdo». Набыць новы нумар выдання можна за 3 еўра.

Рэдакцыя часопіса ўжо паспела назваць новы нумар «выпускам ацалелых» – яго рыхтуюць супрацоўнікі выдання, якія засталіся жывымі, без прыцягнення журналістаў з боку.

НМ, belsat.eu

Глядзі таксама
Каментары