Былы міністр замежных справаў Польшчы Радаслаў Сікорскі даў свой прагноз, якую вонкавую палітыку будзе праводзіць Расея.
На ягоную думку, расейскі прэзідэнт марыць пра так званую «Ялту-2», на якой будзе зацверджанае паразуменне паміж роўнымі магутнымі дзяржавамі.
На пытанне, навошта магла б спатрэбіцца такая сустрэча сусветных лідараў, Сікорскі адказаў:
«Магу сабе ўявіць такі абмен ветлівасцямі ў стылі «Сірыя за Украіну».
Тады б Уладзімір Пуцін адмовіўся ад падтрымкі Башара Асада, у той час як ЗША пакінулі б апошняму Украіну, заўважыў былы польскі дыпламат.
Чытайце таксама >>> Беларусь і Польшча: Толькі бізнес
Сікорскі мяркуе, што Уладзімір Пуцін перабывае ў «фінансавай апале», а таму магчымы варыянт, што расейскі лідар рыхтуе вялікую прапанову новаму прэзідэнту ЗША.
«Умоваю для гэтага было б зʼяўленне ў Белым доме Трампа», – заявіў Радаслаў Сікорскі.