Будучыня тут: у свеце адзначаюць дзень фільму «Back to the future»

video

Футурыстычныя дасягненні з легендарнага кіно пра падарожжы ў часе спраўдзіліся, але не да канца.

Менавіта сёння той дзень, калі героі фільма другой часткі культавай трылогіі «Назад у будучыню» пераадолелі амаль трыццаць гадоў на сваім лятучым спорткары, каб перанесціся ў 2015 год і выратаваць сваіх нашчадкаў.

Паводле сюжэту, галоўныя героі 17-гадовы школьнік Марці Макфлай (Майкл Дж. Фокс) і геній-навуковец Док (Крыстафер Ллойд) павінны прыляцець да нас а 16:29 паводле каліфарнійскага часу. Інтэрнаўты па ўсім свеце рыхтуюцца да сустрэчы з імі, параўноўваючы рэальную «будучыню» і выдуманы рэжысёрам Робертам Земекісам тэхнічны прагрэс.

Сапраўды, за гэты час у рэальнасці з’явіліся біяметрыка, планшэты, плоскія маніторы, тэхналогія 3D і магчымасць ладзіць відэаканферэнцыі, але пакуль не створана «разумнай» вопраткі, «амаладжальных працэдураў», смеццевых пераўтваральнікаў энергіі, лятучых аўтамабіляў і аэра-скейтбордаў. Хоць фірма Lexus у жніўні прадставіла магнітны ховерборд, які можа парыць над спецыяльнай паверхняй.

Па ўсім свеце сёння пройдуць спецпаказы легендарнага кіно.

ДР, belsat.eu

Глядзі таксама
Каментары