Бюст тырана перанясуць да цэнтральнага ўваходу, заявіў выканаўчы дырэктар Гісторыка-культурнага комплексу.
Нагадаем, напрыканцы чэрвеня стала вядома, што з блаславення мітрапаліта Паўла 18–19 ліпеня на «Лініі Сталіна» адбудзецца Фестываль беларускай праваслаўнай моладзі, а каля помніка Сталіну пабудуюць каплічку імя Аляксандра Неўскага.
Глядзіце рэпартаж >>> Прадстаўнік БПЦ: Перамога ў вайне так ці інакш звязана з іменем Сталіна
Узвядзенне царкоўнага аб’екту працягваецца, паведаміў tut.by кіраўнік аддзелу ў справах моладзі Менскай епархіі Максім Логвінаў.
На мінулым тыдні помнік дэмантавалі. Паводле выканаўчага дырэктара Гістарычна-культурнага комплексу «Лінія Сталіна» Аляксандра Мятлы, бюст перанясуць і паставяць каля цэнтральнага ўваходу.
Аляксандр Мятла, які таксама выконвае функцыі дырэктара фонду дапамогі воінам-інтэрнацыяналістам «Памяць Афгану» (блізкі сябар Віктара Шэймана), лічыць, што 90 % наведнікаў комплексу спакойна ставяцца да помніка Сталіну.
«Быў чалавек, камандаваў краінай… Добра або дрэнна – хай разбіраюцца гісторыкі, робяць высновы. Цяпер свабода, і кожны мае права на сваё меркаванне. Мы не спрачаемся або спрабуем кагосьці пераканаць. Мы пераконваем толькі ў тым, што гісторыю трэба хоць бы трошкі ведаць», – цытуе чыноўніка інтэрнэт-выданне tut.by.
ЮВ, belsat.eu