Боб Дылан патаемна забраў сваю Нобэлеўскую прэмію


Амерыканскі выканаўца атрымаў Нобэлеўскую прэмію на закрытай цырымоніі з удзелам членаў Шведскай каралеўскай акадэміі па літаратуры ў атмасферы «сакрэтнасці», без удзелу прэсы.

«Цырымонія» прайшла ў Стакгольме напярэдадні выступу Дылана 1 красавіка. Паэту ўручылі медаль і дыплом.

Спявак цягам некалькіх месяцаў не агучваў свае намеры атрымаць узнагароду. 30 сакавіка стала вядома, што ён пагадзіўся забраць прэмію, але без цырымоніі і святочнай прамовы.

Калі ён не выступіць з нобэлеўскай прамовай у бліжэйшыя месяцы, то можа пазбавіцца грашовай часткі прэміі (каля 900 тысяч долараў). Мяркуюць, што Дылан запіша лекцыю і дашле запіс у Шведскую акадэмію.

Прэмію Бобу Дылану (пры нараджэнні Robert Allen Zimmerman) прысудзілі «за стварэнне новай паэтычнай мовы ў вялікай амерыканскай песеннай традыцыі».

ДР belsat.eu паводле theguardian.com

Стужка навінаў