Блогер «Джон Сільвер» у Беларусі

urgent

Эдуард Пальчыс

Маладзёна яшчэ 26 траўня этапавалі з Бранскага СІЗА ў следчы ізалятар на Валадарцы ў Менску. Пра гэта ў сваім «Facebookʼу» напісаў адзін з лідараў беларускіх хрысціянскіх дэмакратаў Павел Севярынец.

«Трэба даць запыты ва ўстановы, дзе ён можа быць (папярэдне – «Валадарка»), і патрабаваць свабоды», – піша палітык.

Інфармацыю пацвярджаюць знаёмыя блогера. Таксама сёння хлопцу павінны перадаць перадачу.

Ананімны аўтар блогу 1863x знаходзіўся ў адным з расейскіх следчых ізалятараў больш чатырох месяцаў. Эдуарда Пальчыса затрымалі 23 студзеня пры перасячэнні ўкраінска-расейскай мяжы. Пасля гэтага ідэнтычнасць блогера раскрыў адзін з расейскіх нацыяналістычных сайтаў, ён жа апублікаваў турэмныя здымкі хлопца.

Эдуарду Пальчысу 25 гадоў, ён родам з Ліды. Сам блогер называў сябе Jhon Silver.

1863x – калектыўны блог, прысвечаны спробе аналізу цякучых палітычных падзеяў у Беларусі, Расеі ды Украіне, а таксама беларускай гісторыі і культуры. Непадпісаныя матэрыялы востра крытыкуюць рэжым Лукашэнкі і Пуціна.

Паводле Сільвера, за вядзенне гэтай старонкі беларускія ўлады летась завялі на яго дзве крымінальныя справы – за распальванне нацыянальнай варожасці за артыкул «Забі «Рускі свет» і нібыта распаўсюд парнаграфіі.

Ад пераследу блогер вырашыў хавацца ва Украіне, куды з’ехаў, парушыўшы падпіску аб нявыездзе, каб папрасіць палітычны прытулак. Увесь гэты час ён жыў з жонкай у Кіеве, адкуль працягваў весці блог. Пазней Эдуарда нехта запрасіў на сустрэчу ў Расею. Там стваральніка 1863x затрымалі і змясцілі ў СІЗА. Спачатку бранская паліцыя зняпраўджвала факт затрымання Пальчыса.

Чытайце таксама >>> Апазіцыянеры зоймуцца вызваленнем Джона Сільвера, стваральніка «1863x.com» 

ДР, belsat.eu

Глядзі таксама
Каментары