23 траўня ў Менску прэзентуюць беларускамоўнае выдання біяграфіі аднаго з галоўных герояў адроджанай у ХХ ст. Польшчы Юзафа Пілсудскага.
«Даследаванне абапіраецца на разнастайныя дакументальныя крыніцы – ад сведчанняў сучаснікаў і самога Пілсудскага да архіўных матэрыялаў і навуковых распрацовак вучоных. Аўтару ўдалося стварыць грунтоўнае і дакладнае апісанне фігуры Пілсудскага як простага, сціплага чалавека і вядучага палітычнага дзеяча эпохі», – напісана ў анатацыі да кнігі.
Прэзентаваць кнігу прыедзе яе аўтар польскі гісторык, прафесар Уладзімеж Сулея. Кніга «Юзаф Пілсудскі» выйшла з друку літаральна на днях у выдавецтве «Янушкевіч» пры падтрымцы Польскага Інстытуту ў Менску.
Прэзентацыя адбудзецца 23 траўня а 18:00 у канферэнцыйнай залі гатэля «Манастырскі». На мерапрыемства запрашаюць усіх ахвотных, уваход вольны.
ГА, belsat.eu
