Берлін: Новыя санкцыі могуць прывесці да хаосу ў Расеі


Новыя санкцыі супраць Расеі непажаданыя, лічаць у нямецкім урадзе.

Узмацненне санкцыяў супраць Расеі можа яшчэ больш дэстабілізаваць сітуацыю і прывесці да хаосу ў краіне, заявіў віцэ-канцлер Нямеччыны Зігмар Габрыэль, падае Бі-Бі-Сі.

«Мы хочам дапамагчы вырашыць канфлікт ва Украіне, а не паставіць Расею на калені», – сказаў нямецкі палітык у інтэрвю газеце «Bild am Sonntag».

Зігмар Габрыэль, які таксама з’яўляецца міністрам эканомікі Нямеччыны і ўзначальвае Сацыял-дэмакратычную партыю, распавёў, што Берлін «ніколі не ставіў мэтай прывесці Расею да палітычнага і эканамічнага хаосу».

«Тыя, хто хочуць гэтага, выклічуць у выніку значна больш небяспечную сітуацыю для ўсёй Еўропы», – адзначыў нямецкі чыноўнік і дадаў, што Расея – гэта ядравая краіна.

Мэта санкцый – прымусіць Расею сесці за стол перамоваў, патлумачыў Зігмар Габрыэль.

Пра магчымасць адмены заходніх санкцый супраць Расеі заявіў раней прэзідэнт Францыі Франсуа Алянд. Аднак, паводле яго слоў, для такога кроку неабходна адна ўмова – прагрэс у дазволе крызісу на ўсходзе Украіны.

«Я думаю, што мы павінны спыніць прыняцце новых санкцыяў. Калі будзе дасягнуты прагрэс, санкцыя павінны быць адмененыя. Калі прагрэсу не будзе, санкцыі застануцца ў сіле», – распавёў французскі прэзідэнт у інтэрвю радыёстанцыі «France Inter».

У пятніцу 9 студзеня міністры замежных справаў Украіны, Расеі, Францыі і Нямеччыны працягнуць перамовы дзеля ўрэгулявання канфлікту на Данбасе. Чакаецца, што ў Берліне дыпламаты ўзгодняць арганізацыйныя моманты сустрэчы лідараў чатырох краінаў у Астане 15 студзеня. Нямеччына і Францыя папярэджваюць: калі ніякага прагрэсу ў перамовах у Берліне не будзе, яны могуць адмовіцца ад спаткання ў Астане.

МЯ, паводле bbc.co.uk

Глядзі таксама
Каментары