Усе сацыяльныя выплаты, выдача якіх прыпадае на 17 красавіка 2018 года, будуць ажыццяўляцца загадзя, паведамляе belpost.by.
Датэрміновая выплата будзе ажыццяўляцца згодна з адмысловым графікам для кожнага рэгіён краіны.
У Менску выплаты ўжо пачаліся ў пятніцу, 13 красавіка.
У суботу за пенсіямі могуць прыходзіць жыхары Берасцейскай, Віцебскай, Магілёўскай і Менскай вобл., а таксама пенсіянеры, якія абслугоўваюцца ў сельскіх паштовых аддзяленнях Гомельшчыны і Гарадзеншчыны.
16 красавіка, пенсіі будуць выплачвацца ў паштовых аддзяленнях Віцебску і ў гарадскіх аддзяленнях Гомельскага ды Гарадзенскага рэгіёнаў.
17 красавіка ў штатным рэжыме будуць працаваць толькі дзяжурныя аддзяленні Белпошты.
ЮВ, belsat.eu
