Беларускі Дом у Варшаве рыхтуе да Дня волі вечарыну пад знакам «Беларуская традыцыйная кухня». Вядоўца – беларуская паэтка, аўтарка і тэлевядоўца «Прывату» на «Белсаце» Валярына Кустава.
Канцэпцыя свята палягае на тым, што кожны госць прынясе з сабою беларускую страву. Кожны зможа не толькі пачаставацца, але і аддаць свой голас за самую смачную. Кухары трох найлепшых страваў атрымаюць святочныя прызы.
Каталікоў, якія трымаюць пост, арганізатары заклікаюць прынесці посныя стравы, якія ў іх традыцыйна рабілі ў Вялікую Пятніцу.
Пачатак імпрэзы – 25 сакавіка а 17:00 па адрасе ul. Wieska, 13/3.
МЛ, belsat.eu