Беларускія алімпійцы скардзяцца на адсутнасць у нумарах гарачай вады і непрыбраныя пакоі.
«Паводле прадстаўнікоў беларускай дэлегацыі, якія ўжо прыехалі ў Рыа, па-ранейшаму ў апартаментах адсутнічаюць гарачая вада, халодная падаецца з перабоямі, не працуе сістэма каналізацыі, падлогі патрабуюць прыбірання, як і шкло з лесвічнымі пралётамі», – адзначаецца на сайце Нацыянальнага алімпійскага камітэту Беларусі.
Від з вакна пакою
Падлогі, якія патрабуюць прыбірання
Сістэма зліву ў душах не працуе
Раней дэлегацыя зборнай Аўстраліі адмовілася заязджаць у алімпійскую вёску з-за непрыдатных умоваў пражывання.
У аргкамітэце Алімпійскіх гульняў запэўнілі, што цягам некалькіх дзён усе недапрацоўкі будуць выпраўленыя, а каманды могуць быць размешчаныя ў іншых апартаментах.
Алімпійскія гульні ў Рыа-да-Жанэйра пройдуць з 5 па 21 жніўня 2016 года.
НМ, belsat.eu, фотаздымкі НАК Беларусі
