Беларусы, якія змагаюцца на ўсходзе Украіны, адказалі на заяву Шуневіча пра магчымасць распачаць крымінальныя справы на нашых землякоў, якія ваююць на Данбасе па абодва бакі фронту.
«Беларусы баронячы сёння Украіну, бароняць і Беларусь. Маем супольнага ворага – імперскую Маскву. Перамога Украіны, гэта надзея для Беларусі, што заўтра пуцінскі рэжым не прыйдзе з вайной у наш дом.
Заклікаем улады Беларусі спыніць хлуслівую прапаганду з Масквы, пад уплывам якой вярбуюць грамадзянаў Беларусі ў шэрагі незаконных вайсковых фармаваньняў сепаратыстаў. Усе ваюючыя на баку сепаратыстаў павінны быць прыцягнуты да адказнасці», – напісалі на сваёй старонцы ў Facebook «Згуртаванне патрыётаў».
Сёння кіраўнік МУС Беларусі заявіў, што ведамства пачало збіраць матэрыялы па артыкуле «Наёмніцтва» прынамсі на 20 нашых суайчыннікаў, якія бралі ўдзел у канфлікце на Данбасе.
