Беларускія камунальнікі супраць «зялёнага чалавечка»! Хто каго? (фота)

photo

У Менску на адным з будынкаў у раёне вуліцы Аранскай зʼявілася выява «зялёнага чалавечка» – узброенага жаўнера ў рыштунку, падобным да рыштунку расейскіх спецназаўцаў ГРУ. Менскія камунальнікі ўступілі з ім у бескампрамісны бой.

Выява «зялёнага чалавечка» – гэта аплікацыя, накладзеная на размаляваны мур трансфарматарнай будкі. Сцены размаляваныя фарбамі, з выявамі краявідаў. Але нягледзячы на камуфляж, спецназаўцу не ўдалося «зліцца з мясцовасцю».

Спачатку камунальнікі спрабавалі зняць аплікацыю з дапамогаю шпаталя. Але калі гэта не атрымалася, было прынятае радыкальнае рашэнне – пераўтварыць «зялёнага чалавечка» ў зялёны прамавугольнік з дапамогаю фарбы.

Фота Алеся Сіліча

МЛ, belsat.eu

Глядзі таксама
Каментары