Прэм’ер-міністр Андрэй Кабякоў заявіў, што Саўмін зробіць крокі па вырашэнні пытанняў у прававым рэгулявання працы «Uber» у Беларусі.
Пры гэтым крокі будуць рабіцца «з улікам інтарэсаў абодвух бакоў», адзначыў на сустрэчы з кіраўніцтвам «Uber» Андрэй Кабякоў, які, як сам ён заўважыў, «праінфармаваны пра працу кампаніі на рынку нашай краіны»:
«За адносна невялікі тэрмін вы дабіліся добрых вынікаў у галіне перавозак пасажыраў, укаранілі новыя тэхналогіі, якія дазваляюць зрабіць паездкі камфортнымі для пасажыраў і больш празрыстымі ў справе збору падаткаў для дзяржавы».
Таксама прэм’ер-міністр адзначыў, што ўрад Беларусі вітае ініцыятывы кампаніі па супрацы з Паркам высокіх тэхналогіяў.
«Адкрыццё цэнтру навукова-тэхнічных распрацовак «Uber» стане добрым стартам нашай сумеснай працы», – падкрэсліў Андрэй Кабякоў.
Асобна кіраўнік ураду спыніўся на перспектывах супрацы з кампаніяй у галіне беспілотнага транспарту.
Глядзіце таксама:
НМ, belsat.eu, паводле БелТА