Фота – shorthauler72/PPRuNe
Грузавы «Іл-62М» авіякампаніі «Rada Airlines» выехаў па-за ўзлётную паласу на лётнішчы аэрапорту ў Хартуме.
Здымкі здарэння апублікаваў адзін з карыстальнікаў міжнароднага форуму лётчыкаў «Professional Pilots Rumour Network». Невядома, калі адбылося здарэнне – падчас узлёту ці пасадкі.
«Aeronews» піша, што ў выніку аварыі ніхто не пацярпеў. Паводле рэсурсу, гэта апошні такі «Іл» у свеце, які выконвае камерцыйныя палёты.
Служба забеспячэння палётаў авіякампаніі адмовілася каментаваць здарэнне.
Фота – «Aeronews»
«Rada Airlines» – беларуская авіякампанія, якая займаецца грузавымі перавозкамі. Заснаваная ў 2015-м. У флоце кампаніі – два грузавыя «Іл-62М».
ДД
