Расейскі авіяперавознік падае кліентам цукар і сурвэткі з беларускімі ўзорамі.
Фота ў сваім Facebook размясціў журналіст і дырэктар Press Club Belarus Мікалай Анішчанка.
«Ляцеў Менск-Масква і Масква-Таллін, арнамент выраблены ў Маскве», – распавёў belsat.eu Мікалай.
«Гэта здарылася.
Палкоўнікі айчыннага дызайну, інфільтраваныя на чаркізаўскія склады пад выглядам узбекскіх нелегалаў, няспешна і скрупулёзна затупляюць долата імперскай ідэнтычнасці нашага заклятага саюзніка – і ўжо дасягнулі вялікага выніку.
Беларускі арнамент на борце расейскага flag carrier – гэта першы бусел; у бліжэйшых планах – пераапрануць Піцер у вышыванкі, засяліць зубрам кубанскія стэпы, а на месцы знесенага Маўзалею разбіць васільковае поле», – напісаў Мікалай Анішчанка.
- Пра гэта не расказваюць у школе: цяжкае жыццё аўтара арнаменту на дзяржаўным сцягу
- Папулярны расейскі блогер напісаў твіт па-беларуску. Амбасада Беларусі запрасіла яго ў госці
ДР belsat.eu
