Віктар Залацілін жыве ў вёсцы Купіск, што на Наваградчыне (Гарадзенская вобласць) у бацькоўскай хаце. Тут ён калісьці з паддашша назіраў у падзорную трубу, як каханая купалася ў сажалцы. Нават намаляваў ейны партрэт у купальніку. Пасля яна выйшла замуж.
«Так і павінна было стацца. Я не надта дамагаўся, каб ажаніцца. Мне проста добра было з ёй, і ўсё», – узгадвае наш герой.
З 1982 года ён вядзе дзённік. Гэтак жа рабіла ягоная маці.
«Вось гэта я. Гэта – снежная цаліна. Дымка ўдалечыні. І я недзе сябе шукаю ў гэтым холадзе, у гэтым голадзе. Адзін на ўсім белым свеце», – паказвае спадар Віктар сваю карціну (відэа вышэй).
Сюжэт падрыхтаваны для праграмы «Людскія справы»., якая выходзіць на «Белсаце» кожны чацвер а 18:55.
Глядзець праграму «Людскія справы», прысвечаную ліліпутам у Беларусі, цалкам:
Глядзець іншыя выданні праграмы «Людскія справы»
ІА, belsat.eu
