Беларуска Настасся Іванова другі год запар перамагла на марафонскай дыстанцыі «Orlen Warsaw Marathon». Яна апярэдзіла бягунню з Эфіопіі, якая стала другой, усяго на 4 секунды.
Прэстыжны марафон у польскай сталіцы адбыўся 22 красавіка.
Згодна з рэгламентам «Orlen Warsaw Marathon», пераможца атрымала прыз у памеры 60 тыс. злотых (амаль $ 18 тыс.).
Беларуская спартоўка пераадолела 42 км 195 м за 2 гадзіны 28 хвілін і 3 секунды.
Настасся Іванова сярод іншых прызёрак
НМ, belsat.eu, фотаздымакі Беларуская федэрацыя лёгкай атлетыкі