Расея і Беларусь распачалі ўзгадненне праекту дамовы, якая прадугледжвае пераход на расейскія рублі ў разліках за пастаўкі нафты і газу.
Пра гэта паведамляе ТАСС са спасылкай на намесніка міністра энергетыкі Беларусі Вадзіма Закрэўскага.
«Даты дакладнай перамоваў няма, але ёсць праект пагаднення, у якім гэта будзе прадугледжвацца (пераход на разлікі ў рублях). Ён цяпер праходзіць узгадненне ў Расейскай Федэрацыі», – сказаў ён у кулуарах міністэрскай канферэнцыі па ўстойлівым развіцці энергетыкі, якая праходзіць у Астане.
Намеснік міністра дадаў, што сам пераход можа ажыццявіцца да канца гэтага года.
ІІ, belsat.eu