Баксёра з Марока затрымалі за дамаганні ў алімпійскай вёсцы


Хасан Саада. Фота independent.co.uk

У алімпійскай вёсцы Рыа-дэ-Жанейра затрымалі баксёра з Марока, 22-гадовага Хасана Сааду (Hassan Saada).

Пра гэта паведамляе «Бі-Бі-Сі» са спасылкай на заяву паліцыі. Паліцыя падазрае яго ў сексуальных дамаганнях у адносінах да дзвюх прыбіральшчыц.

У праваахоўных органах удакладнілі, што Саада быў затрыманы яшчэ ў пачатку тыдня.

Суддзя ў Бразіліі распарадзіўся затрымаць баксёра на 15 дзён дзеля правядзення расследавання.

Першы бой Саады на Алімпіядзе быў прызначаны на 6 жніўня. Ён выступае ў паўцяжкай вазе.

Афіцыйная цырымонія адкрыцця Алімпіяды пачнецца ўночы з 5-га на 6-га жніўня а 01:00 паводле менскага часу.

МЯ, паводле bbc.com

Глядзі таксама
Каментары