Бізнесовец Лары Хол будуе раскошныя падземныя бункеры для багатых амерыканцаў і лічыць, што гэта вельмі перспектыўны бізнес, паведамляе bbc.com.
«Элітнае жытло для пакінутых у жывых», як яго называе бізнесовец размешчанае глыбока пад зямлёй у закінутай пускавой шахце для балістычных ракет пасярод амерыканскага штату Канзас.
Прадпрымальнік праводзіць экскурсію па адной з кватэр комплексу, будаўніцтва якога скончыў нядаўна. Кошт такога жытла пачынаецца ад $ 1,5 млн. Лары Хол параўноўвае свой падземны комплекс з маленькім круізным лайнерам:
«Бункеры з абаронай ад паражаючых фактараў ядравага выбуху былі спраектаваныя для таго, каб забяспечыць вам не толькі фізічную абарону, але і псіхічны дабрабыт».
У комплексу ёсць кінатэатр, басейн, аперацыйная, поле для гольфа і, нават, сцяна для скалалажання. Замест вокнаў у бункерах устаноўленыя экраны, якія транслююць відэа таго, што адбываецца на паверхні.
Прадпрымальнік выдаткаваў мільёны на тое, каб у жылым комплексу меліся ўсе магчымыя прыстасаванні для бяспечнага і камфортнага жыцця не толькі цяпер, але і на нявызначаны прамежак часу (у выпадку, калі нейкая катастрафічнае падзея ўсё-такі здарыцца).
Сярод іх – сістэмы фільтрацыі вады і паветра, некалькі крыніц энергіі (у тым ліку, ветраэнергетычныя ўстаноўкі), магчымасць вырошчваць расліны і разводзіць рыбу для харчовых мэтаў.
Уваход у жылы комплекс патрулююць узброеныя ахоўнікі. Супрацоўнікі службы аховы пастаянна сочаць за тым, што адбываецца ўнутры і звонку падземнага жылога комплексу.
«Усе кажуць, што ім тут вельмі добра спіцца», – заўважае Хол.
Прадпрымальнік выдаткаваў шмат сіл на даследаванне псіхалагічных аспектаў жыцця пад зямлёй, каб пераканацца, што уладальнікі «кватэр» змогуць ужыцца адзін з адным пасля магчымай катастрофы.
Для гэтага выкарыстоўваецца спецыяльнае асвятленне, а таксама розная вышыня столяў: вышэй у грамадскіх месцах і ніжэй у лекарскім крыле, дзе, па словах Хола, людзі могуць «адчуваць сябе менш абароненымі».
У выпадку неабходнасці доўгатэрміновага пражывання, калі комплекс будзе адрэзаны ад вонкавага свету, яго насельнікі будуць выконваць розныя працы, штомесяц змяняючы адзін аднаго.
«Адзін месяц вы можаце працаваць на складзе, наступны месяц – вырошчваць расліны», – распавядае пра жыццё ў бункеры Хол.
На дадзены момант адзін комплекс бункераў скончаны, і Лары Хол узяўся за будаўніцтва яшчэ аднаго.
ВД, паводле bbc.com