Сепаратысты «ДНР» на тэрыторыі данецкага аэрапорту ўтрымліваюць 100 палонных украінскіх вайскоўцаў.
Пра гэта самі баевікі заявілі прадстаўнікам Спецыяльнай маніторынгавай місіі АБСЕ, паведамляе hromadske.tv.
Назіральнікі АБСЕ ў сваёй справаздачы паведамілі, што, знаходзячыся на тэрыторыі данецкага аэрапорту, убачылі 12 чалавек.
Па дадзеных прадстаўніка «ДНР», гэта – украінскія вайскоўцы, якія былі ўзятыя ў палон пасля пераходу аэрапорту пад кантроль баевікоў, гаворыцца ў справаздачы АБСЕ.
Назіральнікі таксама паведамілі, што ўбачылі ў аэрапорце целы трох загінулых украінскіх вайскоўцаў і адно неапазнанае цела.
«Прадстаўнік «ДНР» сказаў, што пад заваламі аэрапорту ёсць яшчэ 20 целаў, эксгумацыя якіх ускладняецца з пытанняў бяспекі і недахопу неабходнага абсталявання», – адзначылі назіральнікі ў справаздачы.
МЯ, паводле hromadske.tv