Баевікі-ісламісты напалі на вёску ў афганскай правінцыі Сары-Пуль, падпалілі тры дзясятка дамоў і забілі не менш за 50 чалавек, у тым ліку жанчын і дзяцей.
«Яны былі забітыя жорсткім, бесчалавечным чынам», – заявіў прадстаўнік мясцовай адміністрацыі Забіхулах Амані.
Як паведамляе Reuters, баевікі таксама атакавалі ўрадавую заставу і забілі сем сілавікоў.
Паводле Забіхулах Амані, група баевікоў складалася з байцоў «Талібану» і «Ісламскай дзяржавы». Між тым у «Талібане» адмаўляюць сваю датычнасць да атакі.
У першай палове года ў Афганістане было забіта 1,662 цывільнай асобы і 3581 атрымалі раненне.
КА, belsat.eu