Ва ўкраінскай Аўдзееўцы ў выніку абстрэлу баевікоў пашкоджаны тры дамы па вуліцы Спартыўнай. Пацярпелых няма.
З пачатку 2017 года ў горадзе пашкоджаныя больш за 500 жылых дамоў і кватэр мірных жыхароў. Пра гэта паведаміла на сваёй старонцы Facebook прэс-сакратар паліцыі Данецкай вобласці Наталля Шыман.
Раней, 13 траўня, у выніку абстрэлу Аўдзееўцы баевікамі загінулі 4 мірных жыхара і яшчэ адзін атрымаў раненне.
Як паведамляе прэс-цэнтр АТА, усяго за 16 траўня баевікі ДНР-ЛНР 43 разы абстрэльвалі пазіцыі ўкраінскіх ваенных уздоўж усёй лініі размежавання, у тым ліку з мінамётаў калібру 120 мм.
Глядзіце таксама:
Аўдзееўка: «Нічога надзвычайнага». Рэпартаж з прыфрантавога гораду
КА, belsat.eu; фота – Фэйсбук