Аўтобусы Менскага аўтамабільнага заводу па выніках 2016 года ўвайшлі ў тройку самых прадаваных на расейскіх рынку.
Да канца года беларускі вытворца разлічвае замацаваць свае пазіцыі і прыйсці ў новыя рэгіёны, адзначаецца на старонцы заводу.
Менскі аўтамабільны завод летась прадаў у Расеі 825 аўтобусаў, павялічыўшы іх пастаўкі больш чым на палову (53 %). У выніку, паводле агенцтва «Автостат», беларускі вытворца выйшаў на трэцяе месца ў рэйтынгу самых папулярных вытворцаў аўтобусаў. Першыя дзве пазіцыі займаюць расейскія ПАЗ і ЛІАЗ.
Найбольшую цікавасць да аўтобусаў МАЗ праяўляюць буйныя гарады, што рыхтуюцца да маштабных падзеяў. Напрыклад, Менскі аўтазавод распрацаваў аўтобусы для перавозкі гасцей чэмпіянату свету па футболе 2018 года (будзе праходзіць у Расеі), першыя экзэмпляры цяпер праходзяць выпрабаванні ў Маскве.
Чытайце таксама:
-
«Вінаваты працаўнік, але паводле закону ўсё адно кіраўнік». Менчукі пра смерці на вытворчасці
- Паніка на «Гомсельмашы»: расейцы далі грошы на камбайны, цяпер ні камбайнаў, ні грошай
НМ, belsat.eu
