Асобам, якія дапамаглі Саакашвілі прарвацца ва Украіну, пагражае 5 гадоў турэмнага зняволення


Міхэіл Саакашвілі на вакзале ў польскім горадзе Пшэмысль пасля таго, як ягоны цягнік адмянілі. 10 верасня 2017 года. Фота – Глеб Гараніч/Reuters

Украінская паліцыя называе вяртанне ў краіну экс-кіраўніка Адэскай вобласці злачынствам з прыкметамі незаконнай перапраўкі людзей праз дзяржаўную мяжу.

Адпаведныя звесткі ўкраінскія праваахоўнікі ўнеслі ў Адзіны рэестр дасудовых расследаванняў.

10 верасня пасля некалькіх гадзінаў у цягніку, які не мог выехаць з Польшчы, украінскі палітык і экс-прэзідэнт Грузіі Міхэіл Саакашвілі ў суправаджэнні сваіх прыхільнікаў перасек мяжу Украіны ў раёне прапускнога пункта «Шэгіні».

Пераходзячы мяжу, Саакашвілі папрасіў у памежнікаў пасведчання асобы без грамадзянства. Гэта стала падставаю для ўкраінскага боку не ўпусціць яго на тэрыторыю краіны.

Тым, хто дапамагаў Саакашвілі пагражае турэмны тэрмін ад двух да пяці гадоў з канфіскацыяй транспартных або іншых сродкаў здзяйснення злачынства, паведаміў прэс-сакратар МУС Украіны Арцём Шаўчэнка.

Міграцыйная служба Украіны пазбавіла Саакашвілі ўкраінскага грамадзянства 26 ліпеня.

ЮВ, belsat.eu

Глядзі таксама
Каментары