Анатоль Лябедзька: «Белсат» мусіць не толькі застацца, але і мець новыя магчымасці

Еўразвяз заклапочаныя дзейнасцю «русского мира». Беларусь жа зʼяўляецца плацдармам для «русского мира», заўважыў старшыня Абʼяднанай грамадзянскай партыі Анатоль Лябедзька.

«Задавольваць Лукашэнку, увесь час падкідваючы яму моркву ці пернікі, – гэта нічога не дасць, бо Лукашэнка быў і застаецца хаўруснікам Пуціна. Пытанне толькі ў даўжыні павадка, на якім яго трымае Пуцін. Гэта вельмі небяспечная гульня. Хто можа змагацца «русским миром«»у Беларусі? Гэта акурат незалежныя мас-медыі, гэта апазіцыйна-дэмакратычныя палітычныя структуры, гэта праеўрапейска настроеныя людзі. І сюды патрэбныя інвестыцыі, а не ў Лукашэнку, бо на сённяшні дзень для «русского мира» вельмі спрыяльнае беларуская тэлевізія. Расейскія мас-медыі тут прысутнічаюць на 100 %, а Лукашэнку нават не выканаў абяцанне, дадзенае Парашэнку, і няма ўкраінскага каналу да сённяшняга дня ў кабельных сетках Беларусі», – заўважыў Анатоль Лябедзька.

Паводле яго, «Белсат» мусіць не толькі застацца, але і атрымаць новыя магчымасці, каб супрацьстаяць «русскому миру» ды прасоўваць еўрапейскую альтэрнатыву.

У інтэрнэце з’явілася петыцыя на падтрыманне «Белсату». Падпісаць яе можна па спасылцы.

• Заява Агнешкі Рамашэўскай-Гузы ў справе далейшай працы «Белсату»
• У інтэрнэце з’явілася петыцыя на падтрыманне «Белсату»
• «Жыве «Белсат»! Старшыня Саюзу палякаў Анджэліка Борыс падтрымала незалежнае тэлебачанне
• Анджэй Пачобут: «Белсат» – гэта акно ў навакольны свет

МЯ, belsat.eu