Амерыканская і паўднёвакарэйская выведкі заўважылі перамяшчэнне ракет у Пхеньяне


Некалькі паўночнакарэйскіх ракет перанеслі з ракетнага комплексу ў Пхеньяне, што можа сведчыць аб тым, што КНДР рыхтуецца распачаць дадатковыя правакацыйныя дзеянні.

Пра гэта паведаміла паўднёвакарэйская грамадская тэлерадыёкампанія KBS, піша Reuters.

У паведамленні цытуецца ананімная крыніца ў выведцы, які заявіў, што прадстаўнікі выведкі Паўднёвай Карэі і ЗША выявілі, што ракеты перавозяцца з паўночнакарэйскага комплексу па даследаваннях і распрацоўцы ракет у Санум-Доне ў паўночнай частцы Пхеньяна.

У паведамленні не ўдакладняецца, калі і куды яны былі перамешчаныя.

Гаворка ідзе альбо пра ракеты сярэдняй далёкасці Hwasong-12, альбо пра міжкантынентальныя балістычныя ракеты Hwasong-14. Пры гэтым ракетны комплекс у Санум-Доне спецыялізуецца на вытворчасці міжкантынентальных балістычных ракет.

Крыніца ў міністэрстве абароны Паўднёвай Карэі не змог пацвердзіць гэта паведамленне, або якія-небудзь незвычайныя дзеянні ў згаданым раёне.

Як паведамлялася раней, прэзідэнт ЗША Дональд Трамп папярэдзіў Паўночную Карэю пра гатоўнасць прымяніць сілу, аднак заявіў, што гэты варыянт не зʼяўляецца прыярытэтным для Вашынгтона.

КА, belsat,eu

Глядзі таксама
Каментары