Сёння на сайце амбасады Беларусі ва Украіне зʼявілася інфармацыя пра тое, што 23 верасня «група неўстаноўленых людзей перад будынкам Амбасады Рэспублікі Беларусь у Кіеве правяла хуліганскую акцыю антыбеларускай накіраванасці».
Цікава, што ўкраінскія СМІ нічога не пісалі пра падобную акцыю, інфармацыі пра яе ў адкрытых крыніцах няма.
«Прымаючы пад увагу, што ўдзельнікі акцыі хавалі твары, паводзілі сябе нахабна і агрэсіўна, выкарыстоўвалі фаеры, амбасада Рэспублікі Беларусь ва Украіне выказала пратэст украінскаму боку і запатрабавала правесці адпаведнае расследаванне, а таксама забяспечыць бяспеку функцыянавання беларускай дыпламатычнай місіі», – адзначаецца ў заяве амбасады.
«Белсат» спрабуе высветліць абставіны інцыдэнту ля беларускай амбасады ў Кіеве.
ІІ, belsat.eu