18 сакавіка ўвечары ў спальным раёне літоўскай сталіцы на вуліцы Габіёс аўта беларускай амбасады «Hyundai IX35» зачапіла «Toyota Yaris».
Беларускія і літоўскія медыі са спасылкаю на літоўскую паліцыю паведамляюць, што дыпламат збег з месца здарэння. У амбасадзе Беларусі ў Вільне «Белсату» распавялі, што дарадца амбасады ад’ехаў, каб не загароджваць уезд у двор, дзе здарылася аварыя.
«Дыпламат пры выездзе з двара зачапіў аўтамабіль. На бамперы засталася драпіна. Каб не загароджваць уезд, адʼехаў на метраў дваццаць і чакаў там паліцыі. Паліцыя прыехала, аформілі пратакол. На гэтым інцыдэнт быў вычарпаны», – адзначылі ў амбасадзе.
Дыпламат адмовіўся правярацца на цвярозасць.
«Гэта міжнародная практыка. Замежныя дыпламаты, як правіла, у такіх сітуацыях адмаўляюцца ад праверкі. І беларускія за мяжой і замежныя ў Беларусі», – дадаў суразмоўца «Белсату».
Цяпер дыпламат будзе разбірацца з уладальнікам пашкоджанага «Toyota Yaris».
«Пакуль ён да нас не звяртаўся. Мы праводзім расследаванне інцыдэнту», – сказалі ў амбасадзе.
ДР belsat.eu