Памежнікі не далі веры іхнай версіі і змясцілі мужчынаў у ізалятар часовага ўтрымання.
Уначы 16 сакавіка берасцейскія памежнікі затрымалі грамадзяніна Алжыра, які ішоў у Польшчу проста па рэйках.
Прэсавы цэнтр Дзяржаўнага памежнага камітэту паведаміў, што ў яго быў пры сабе пашпарт і міграцыйная карта. Недалёка памежнікі знайшлі таксама яшчэ аднаго нелегала. Мужчыны патлумачылі, што спазніліся на апошнюю электрычку.
Цяпер затрыманыя – у ізалятары часовага ўтрымання Берасцейскай памежнай групы. Супраць алжырцаў распачатая адміністрацыйная справа за спробу незаконнага перасячэння дзяржаўнай мяжы, пасля якой будзе прынятае рашэнне аб іх прымусовай дэпартацыі з Беларусі.
ДД