Аляксандр Лукашэнка чарговы раз прызначыў старшынёй ЦВК Лідзію Ярмошыну


Лідзія Ярмошына. Фота БелТА

Лідзія Ярмошына афіцыйна перапрызначаная старшынёй Цэнтральнай камісіі Беларусі па выбарах і правядзенні рэспубліканскіх рэферэндумаў.

Адпаведны ўказ кіраўнік дзяржавы падпісаў 20 снежня, паведамілі ў прэс-службе беларускага лідара.

Лідзія Ярмошына ўзначальвае Цэнтрвыбаркам Беларусі са снежня 1996 года. Тады Аляксандр Лукашэнка сваім указам зняў з пасады старшыні Цэнтрвыбаркаму Віктара Ганчара, якога прызначаў Вярхоўны Савет, і прызначыў выконваць абавязкі старшыні загадчыцу юрыдычнай службы Бабруйскага гарвыканкаму Лідзію Ярмошыну, якая атрымала адукацыю юрыста ў Калінінградзе і працавала там памочнікам пракурора раёну.

Пасля выбараў у Беларусі ў 2006 і 2010 гадах Ярмошынай забаранілі ўезд на тэрыторыю Еўразвязу за «датычнасць да фальсіфікацыяў».

Сёлета ў лютым Еўразвяз зняў санкцыі з Ярмошынай і цэлага шэрага беларускіх чыноўнікаў.

МЯ, belsat.eu

Глядзі таксама
Каментары