У сваім папярэднім забегу з вынікам 12,74 секунды Аліна Талай заняла 2-е месца. Выйграла забег Жасмін Камача-Куін з Пуэрта-Рыка (12,70). Трэцюю прамую пуцёўку ў паўфінал атрымала Памэла Дуткевіч з Нямеччыны, якая заняла 3-е месца (12,90).
Кацярына Паплаўская не прабілася ў лік паўфіналістак. У сваім забегу яна фінішавала 7-й з вынікам 13,45 секунды, да таго ж збіла адзін з бар’ераў.
Паўфінальныя забегі і фінал пройдуць у ноч на 18 жніўня (02:45 і 05:00 па беларускім часе).