Алексіевіч сустрэнецца з чытачамі ў Гомлі


Нобелеўскі лаурэат у галіне літаратуры Святлана Алексіевіч 7 ліпеня наведае Гомель.

Падчас візіту запланаваная сустрэча з чытачамі і творчай інтэлігенцыяй у Гомельскай абласной бібліятэцы. Як паведаміў старшыня Гомельскай абласной філіі Саюзу беларускіх пісьменнікаў Анатоль Бароўскі, мерапрыемства пачнецца а 16-й гадзіне.

Акрамя творчай сустрэчы, Алексіевіч зоймецца ў Гомлі дабрачыннасцю.

Раней пісьменніца выказала намер дапамагчы інваліду з Гомля Наталлі Васіленка, якой пагражае высяленне за нявыплату камунальных паслугаў. Алексіевіч аплоціць яе запазычанасць.

КА, belsat.eu

Глядзі таксама
Каментары