У панядзелак, 26 сакавіка, актывіста з Баранавічаў Іллю Сянько суд прызнаў вінаватым паводле арт. 23.4 КаАП (непадпарадкаванне законнаму патрабаванню службовай асобы) за тое, што ён не з’явіўся на «прафілактычную размову» у КДБ, і асудзіў да штрафу ў 20 базавых велічынь (490 рублёў). Але чэкісты не пакінулі ідэю паразмаўляць з актывістам.
На наступны дзень пасля суду супрацоўнік КДБ Мікалай Безік ужо тэлефанаваў актывісту, турбаваў таксама і яго маці. А сёння, 28 сакавіка, дзіўным чынам з’явіўся ў той самы час і ў тым самым месцы, дзе Ілля Сянько сустракаўся з сябрам.
Паводле Сянько, сёння ён дамовіўся з сябрам і дамовіўся на сустрэчу каля гандлёвага цэнтру. Праз пару хвілін пасля сустрэчы, да хлопцаў падышоў супрацоўнік КДБ Мікалай Безік і ўручыў хлопцу павестку пад подпіс.
Нагадаем, больш за месяц таму валанцёрамі культурна-асветніцкай установы «Крытычнае мысленне» сталі цікавіцца супрацоўнікі КДБ. На размову па тэлефоне спрабавалі выклікаць Іллю Сянько, які ў кастрычніку 2017 года быў затрыманы з расейскім філосафам і гісторыкам Пятром Рабавым і асуджаны па арт. 17.10 КоАП («публічнае дэманстраванне нацысцкай сімволікі») да штрафу з канфіскацыяй жорскага дыску камп’ютара. Аднак хлопец прапанаваў супрацоўніку даслаць яму позву і адмовіўся без яе прыходзіць. Тады на размову выклікалі яго маці, якую супрацоўнік Баранавіцкага міжраённага аддзела КДБ па Берасцейскай вобласці Мікалай Безік прымусіў падпісаць позву за сына, паведамляе spring96.org.
ІІ, belsat.eu