31 сакавіка заканчваецца 10-дзённы тэрмін, калі першым затрыманым па «справе баевікоў» (ч. 3 арт. 293 Крымінальнага кодэксу – навучанне ці іншая падрыхтоўка асобаў да ўдзелу ў масавых беспарадках) павінны прадʼявіць абвінавачванне.
22:00 Міліцыя вызваліла Ніну Багінскую, склаўшы на пенсіянерку пратакол за «парушэнне грамадскага парадку».
19:38 Акцыя завяршылася.
19:36 Актывіста Яўгена Батуру спынілі працаўнікі ДАІ на павароце на вул. Камсамольскую, бо не прапусціў пешага.
19:28 5 асобаў былі затрыманыя.
19:18 Ніну Багінскую і яшчэ адну жанчыну пасадзілі ў сіні бус без нумароў і павезлі ў невядомым кірунку.
19:09 У акцыі бярэ ўдзел адна асоба – актывістка Ніна Багінская. Да кожнага, хто спрабуе далучыцца да акцыі, падыходзяць міліцыянты.
19:06 Затрыманы яшчэ адзін удзельнік акцыі.
19:00 Міліцыя затрымала Паўла Севярынца. Актывіста пасадзілі ў белы бус і павезлі, імаверна, ў аддзяленне міліцыі.
14:52 З СІЗА КДБ выйшаў Сяргей Барсток. Магчыма адпусцілі яшчэ двух фігурантаў справы «баевікоў»
ЮВ, belsat.eu