Брытанская газета «The Guardian» апублікавала сакрэтныя правілы мадэрацыі кантэнту ў сацыяльнай сетцы.
Дакументы для ўнутранага карыстання апісваюць прыблізныя алгарытмы дзеянняў мадэратараў, якія «фільтруюць» кантэнт, звязаны з гвалтам, тэрарызмам, парнаграфіяй ды расізмам.
Крыніца выдання ў «Facebookʼу» распавяла, што на рашэнне аб захаванні або выдаленні публікацыі часам даецца каля 10 секундаў.
Правілы мадэрацыі кантэнту прадугледжваюць выдаленне ўсіх заклікаў забіць амерыканскага прэзідэнта, а выказванне кшталту: «адвалі і здохні», калі яно тычыцца шараговых карыстальнікаў, выдаляць неабавязкова.
Паводле правілаў мадэрацыі, не падлягаюць выдаленню карцінкі са сцэнамі жорсткага абыходжання з жывёлінамі, а адмысловую пазнаку «можа траўмаваць» мадэратары мусяць паставіць толькі на шакуючых выявах.
«Facebook» дазваляе весці стрымы са сцэнамі, у якіх людзі прычыняюць фізічную шкоду адзін аднаму.
«The Guardian» апублікавала больш за 100 інструкцыяў, якія паводле аўтараў публікацыі, выклікаюць хвалю дыскусіяў на тэму этыкі і цэнзуры ў «Facebookʼу».
ЮВ, belsat.eu, паводле theguardian.com