Амбасада ЗША ў Злучаных Штатах заяўляе пра пашырэнне консульскіх паслугаў.
Гэтак, ад сёння амбасада будзе прымаць звароты па турыстычную і дзелавую візу катэгорыяў B1/B2 ад грамадзянаў Беларусі ўва ўзросце 50 і болей гадоў.
Ранейшы цэнз – 70 гадоў.
«Пашырэнне консульскіх паслуг – частка нашай дзейнасці па ўмацаванні амерыкана-беларускіх стасункаў праз аблягчэнне кантактаў паміж людзьмі», – заяўляе амбасада.
Ад жніўня 2014 году амерыканская амбасада ў Менску аднавіла выдачу візаў некаторым катэгорыям грамадзянаў – студэнтам, удзельнікам праграмаў культурнага абмену, асобам, старэйшым за 70 гадоў, а таксама тым, у каго раней ужо была амерыканская віза.
30 студзеня 2017-га пачаў дзейнічаць іміграцыйны ўказ прэзідэнта ЗША Доналда Трампа, які распаўсюдзіўся і на беларусаў. Паўторна атрымаць візу ў Менску маглі толькі грамадзяне Беларусі, у якіх віза скончылася менш за 12 месяцаў таму. Калі больш – трэба было ехаць па візы ў суседнія сталіцы.
Амбасада дадае, што плануе павялічыць колькасць візавых паслугаў у бліжэйшы час.
ДД
