Абралі новага генеральнага сакратара ААН


Генеральная асамблея ААН зацвердзіла прызначэнне на пасаду генеральнага сакратара арганізацыі былога прэмʼер-міністра Партугаліі Антонью Гутэрыша, кандыдатуру якога раней ухваліла Рада бяспекі.

Гутэрыш уступіць у пасаду з 1 студзеня 2017 года.

Антонью Гутэрыш быў прэмʼер-міністрам Партугаліі з 1995-га да 2002 года. З 2005 года да 2015 года ён быў вярхоўным камісарам ААН па справах уцекачоў. 5 кастрычніка Рада бяспекі ААН зацвердзіла ягоную кандыдатуру на пасаду генеральнага сакратара большасцю галасоў. Акрамя яго на пасаду прэтэндавалі яшчэ дзевяць кандыдатаў.

Генеральны сакратар ААН абіраецца Генеральнай асамблеяй на рэкамендацыю Рады бяспекі. Тэрмін паўнамоцтваў складае пяць гадоў з магчымасцю перавыбрання. З 2007 года пасаду займае паўднёвакарэйскі дыпламат Пан Гі Мун – ягоныя паўнамоцтвы заканчваюцца 31 снежня 2016 года.

МЯ, паводле meduza.io

Глядзі таксама
Каментары