ААН назвала самыя не любімыя турыстамі краіны


Тувалу

Самай непапулярнай краінай сярод вандроўнікаў стала ціхаакіянская дзяржава Тувалу, размешчаная ў Палінезіі.

Рэйтынг самых непапулярных сярод турыстаў краінаў падае брытанскае выданне «Daily Mail», спасылаючыся на Сусветную турысцкую арганізацыю (установа ААН).

Лідара рэйтынгу Тувалу летась адведала толькі тысяча замежных гасцей.

Сярод перавагаў адпачынку ў гэтай краіне называецца нізкі ўзровень злачыннасці ды тэрарыстычнай пагрозы.

Кірыбаці

Другое месца ў рэйтынгу займае Рэспубліка Кірыбаці, якая таксама знаходзіцца ў Ціхім акіяне (у Мікранезіі ды Палінезіі). У 2016 годзе там пабывала каля 4 тыс. турыстаў.

Замыкае тройку Сан-Тамэ і Прынсіпі – астраўная дзяржава ў Цэнтральнай Афрыцы, з вынікам у восем тысяч гасцей у мінулым годзе.

Сан-Тамэ і Прынсіпі

Чацвёртая пазіцыя дасталася заморскай тэрыторыі Вялікай Брытаніі Мантсерат, у якой летась пабывалі 9 тыс. турыстаў.

На пятым месцы – афрыканская дзяржава Каморскія астравы. За 2016 год яе наведалі 24 тыс. замежных гасцей.

У дзясятку непапулярных для адпачынку краінаў трапілі таксама Джыбуці (Афрыка), Сан-Марына (Еўропа), Усходні Тымор (Азія), Ліхтэнштэйн (Еўропа), Сьера-Леонэ (Афрыка).

Глядзіце таксама:

НМ, belsat.eu, паводле dailymail.co.uk

Стужка навінаў