Навіна пра тое, што Уладзімір Пуцін можа ачоліць у палёце зграю белых жураўлёў, сталася для інтэрнаўтаў нагодаю для кпінаў з кіраўніка Расеі. Тым не менш, Пуцін узняўся ў неба разам з жураўлямі на адмысловым дэльтаплане.
{movie}Пуцін узначаліў клін жураўлёў.|left|6209{/movie}Палёты на дэльтаплане разам з жураўлямі на паўвыспе Ямал – гэта частка навуковай праграмы для захавання гэтага віду. Уладзімір Пуцін выступаў у ролі важака жураўлёў, што выраслі ў няволі. Птушкі мусяць прызвычаіцца ляцець за дэльтапланам, і пазней дасведчаны пілот павядзе зграю на зімоўку ў Цэнтральную Азію.
Уладзімір Пуцін падняўся на дэльтаплане ў паветра разам з адным з навукоўцаў. Напярэдадні ў інтэрнэце з’явіліся паведамленні, што ў межах навуковага эксперыменту прэзідэнту Расеі давядзецца прымацаваць крылы, падобныя на жураўліныя, і нават дзюбу. Але на практыцы хапіла белага камбінезона – жураўлі сапраўды прынялі Пуціна на дэльтаплане за свайго і паляцелі следам за ім.
Калі для інтэрнаўтаў гэтая падзея сталася нагодаю для жартаў, то некаторыя навукоўцы падтрымліваюць ініцыятыву Пуціна, дзякуючы якой прыцягнутая ўвага да праблемы змяншэння папуляцыі белых жураўлёў.
belsat.eu
