У суботу, 1 верасня, на праспектах расейскай сталіцы танцоры ў маляўнічых строях танцавалі самбу.
Традыцыйны Дзень гораду ў Маскве прайшоў сёлета ў лацінаамерыканскім стылі. Па сталіцы Расеі ў яскравым шэсці пад музыку і ў танцавальным рытме прайшлі шматлікія артысты, апранутыя ў бразільскія і мексіканскія карнавальныя касцюмы.
Шматлікія гледачы з энтузіязмам віталі лацінаамерыканскі карнавал, а шмат хто далучаўся да танцу.
Пад вечар на Краснай плошчы адбыўся канцэрт ваенных аркестраў, якія выконвалі класічную, ваенную і народную музыку. Пад крамлёўскімі мурамі выступілі: прэзідэнцкі аркестр Расейскай Федэрацыі, музычны корпус Бундэсвэру Нямеччыны, італьянскія карабінеры і французскія гусары.
Арганізатары імпрэзы паведамляюць, што ў святкаванні Дня гораду ў Маскве ўзялі ўдзел каля 56 тыс. чалавек.{movie}Карнавал на Дні гораду ў Маскве|right|6144{/movie}
belsat.eu
