Сотні людзей у бялізне сабраліся ў Цэнтральным парку гораду. Кіраўніком імпрэзы быў “аголены каўбой” – вядомы вулічны перформер. Гэткім чынам ён вырашыў змагацца са спёкаю.
“Кожны кажа мне штодня, што я адзіны, хто выглядае нармальна ў такое надвор’е. І насамрэч, ну паглядзіце – людзі ж пацеюць. Вельмі горача, таму быць у споднім – вялікая перавага”.
На марафон сабраліся ўсе слаі насельніцтва. Гэтак, бізнесовец Эндру Брэйдзі (Andrew Brady) змяніў пінжак на маску і майткі капітана Амэрыкі. “Гэта ўжо кшталту традыцыі – не кожны дзень ты можаш прабегчыся вакол Мангэтану ў бялізне”, – кажа ён.
Але бег у споднім не толькі вясёлая імпрэза – гэта таксама і рыхтаванне да заўтрашняга гарадскога адкрытага спаборніцтва па трыятлоне.
belsat.eu
