Ваенны самалёт пацярпеў крушэнне пад час выканання планавых палётаў каля авіяцыйнага палігона. Адводзячы машыну ад вёскі, загінуў падпалкоўнік Мікалай Грыднеў.
“Падчас палёту выпрацоўвалася тэхніка пілатавання і паветранай навігацыі на малых і вельмі малых вышынях. Пасля выканання задання каля 15:35 на вышыні 200 м самалёт пачаў страчваць кіраванне. Кіраўнік палёту даў каманду катапультавацца. Лётчык здолеў адвесці машыну ад вёскі Навіны Наваградскага раёну. Самалёт упаў за два кіламетры на поўнач ад паселішча”, – паведамілі БелТА ў прэсавай службе Міністэрства абароны.
У міністэрстве створаная камісія для высвятлення прычынаў трагедыі.
Апошняя авіякатастрофа вайсковай тэхнікі адбылася летась 29 лістапада, калі верталёт МІ-24 разбіўся пры заходзе на пасадку падчас выканання планавых палётаў. Тады вайскоўцы тлумачылі апошнія авіякатастрофы нясвежасцю тэхнікі“.
belsat.eu
