Паўналецце байнэту


Нацыянальнай даменнай зоне BY споўнілася 18 гадоў. “Пасведчанне аб нараджэнні” ад міжнароднай арганізацыі Internet Corporation for Assigned Names and Numbers (ICANN) было выдадзена 5 траўня 1994 года. На момант паўналецця ў зоне BY налічваецца ўжо больш за 55.000 даменаў, паведамляе тэхнічны адміністратар зоны BY і найбуйнейшы рэгістратар даменных імёнаў Беларусі Hoster.by.

Hoster.by абвясціў аб старце конкурсу на лепшую візуалізацыю нацыянальнай даменнай зоны. Лагатып-пераможца будзе размешчаны на афіцыйным сайце зоны. BY і выкарыстаны ў прома-прадукцыі hoster.by. Удзельнічаць у конкурсе могуць усе жадаючыя. Патрабуюцца свежыя ідэі і жаданне выйсці за рамкі звыклых стэрэатыпаў аб малюначку з беларускім “акцэнтам”.

Для ўдзелу неабходна даслаць свой варыянт лагатыпа для зоны. BY на konkurs@hoster.by і сачыць за навінамі ў групах hoster.by Вконтакте і Facebook.

Hoster.by стаў тэхнічным адміністратарам даменнай зоны. BY ў лютым 2012 года. За мінулыя тры месяцы ў парадку рэгістрацыі адбыўся шэраг зменаў: адменена магчымасць 30-дзённай блакавання дамена для прадухілення кіберсквоцінга; адменена праверка заявак у Аператыўна-аналітычным цэнтры (ААЦ), якая раней магла займаць некалькі дзён, пачаў працу сэрвіс Whois; інфармацыю пры рэгістрацыі дамена зараз можна ўводзіць на беларускай мове.

belsat.eu

Глядзі таксама
Каментары